الخميس، 1 يونيو 2017

زمان وانا صغير ابويا علمني نصايح ازاي ابقي راجل ..

زمان وانا صغير ابويا علمني نصايح ازاي ابقي راجل ..









يا ابني الرجوله مش بالشنب ولا بالقوة ولا بالفتونه .. الرجوله انك ماتتحوجش لحد ابدا انك ما تتذلش لحد عشان شغله ولا فلوس ولا لا حاجه ان اتذلت فانت مش راجل وهتعيش مكسور طول عمرك 😞



الرجوله انك اما تقول كلمه تبقي قدها ماتقعدش تكدب وتدي وعود فالهوا وانت اصلا عارف انك مش هتنفذها ... الرجوله انك تبقي عارف امكانيتك وكل وعد بتوعده تبقي واثق انك هتنفذه 👉

الرجوله مش انك ما تقعش ولا تنكسر .. الرجوله انك تقع مليون مره بس تقوم اضعاف اضعافهم .. الحياة حرب وانت ان ازاز هتتكسر وتغدغد مليون حته لكن ان حديد هتقدر تعيش وتحقق احلامك 💪

الشغل تعب وقرف هتسيبيه هتروح لغيره وغيره ؟؟هضيع عمرك وانت مش مستقر .. الرجوله انك تفضل في شغل واحد مهما كان تعبه وقرفه لانك راجل المفروض تستحمل اي ضغط واي قرف ماتخليش دماغك تشتتك وتتوه فالدنيا .. حارب في شغلك هتوصل للي انت عاوزه فالاخر 😊

الجواز يا ابني مش ضحك ولعب وهزار ده مسؤليه هتبقي مسؤول عن واحده في رقبتك هتتخانقوا وتصالحوا هتغضب هتصالحها الجواز مش متعه ولا هزار فعشان كده قبل اما تخشه لازم تبقي جاهزله وتختار واحده تعيش معاك علي المره قبل الحلوه تستحمل قرفك وقرف عيالك تحاربوا جنب بعض الدنيا اوعوا تقسوا علي بعض يا ابني 👉

الرجوله مش انك تنقل الكلام ده قال ايه وده عمل ايه عشان تترقي لانك هتتكره من اللي رقوك قبل اللي انت اذتهم .. الرجول انك يبقي كتفك بكتف زميلك صحبك حب الناس اهم من اي ترقيه او اي منصب 😊

هتتحاسب لوحدك يا ابني يوم القيامه ربنا مش هيسألك فلان ده عمل كده ليه .. ولا اخوك عمل كده ليه ... ربنا هيسألك انت عملت كده ليه ؟ والناس مش هيفدوك بحاجه ولا كلامهم هيفيدك ولا هيضرك .. اصلهم اما تنكسر مش هينكسروا بدالك ولا اما تتعصب هيتعصبوا بدالك واما تتعب مش هيتعبوا بدالك كل اللي هيعملوه هيقولوا لك معلش ... فطز فالناس ومليون طز فالناس بكلامهم بتعلقتهم عيش حياتك انت ملكش دعوه بتفكير حد او رائي حد لانك راجل مسؤول عن كل تصرف بتتصرفه انت وبس 😇

الرجوله انك دايما تبقي مسؤولفي بيتك عن كل اللي حوليك مش مسؤول انك تلغي شخصيتهم مسؤول انك تحميهم انك دايما تعمل اللي في وسعك عشان ترضيهم وده فرض عليك مش حاجه انت بتمن عليهم بيها مش تيجي تذلهم وتقولهم انا بجيبلكم وبعملكم وانتوا عايشين في ميه البطيخ ده وجبك انك تعيشهم في ميه البطيخ يحسوا بالامان في بيتك لانك مسؤول عنهم وراجل 👶👱💇

ولكن ان مش راجل ماتتجوزش اصلا 😱👊







الظلم



بجد فعلا والله طول حياتي اتعرضت للظلم الشديد من ناس كتير اوي وربنا سبحان الله جابلي حقي ونفس احساس التعب اللي حسيته هم حسوه ربنا عادل جدا وسبحان الله علي حكمته وعظمته ... انا طول عمري بتظلم وبنسي اللي حصل هو اقصي عقاب ليه للشخص ده اني ببعد نهائي عنه .. لكن ربنا كبير وما بينساش بينتقم منه سبحان الله علي حكمتك يارب ....



رساله للي عاوز يظلم حد يجي علي حد ربك ما بيسباش افرح فالدنيا شويه بس هتاخد علي دماغك فالدنيا برضه 😉😊







فلننتظر




الحياة تكاد ان تعاود الابتسام لي مره اخره 😍 


لا اعلم ان كان ما اراه سراب ام حقيقه 🤔

فلننتظر ونري 👉

اتمني ان تمطر السماء افراح وضحكات 😀

ولا يكون انتظري هو انتظار للمزيد من الاحزان والاوجاع 🙂




لسه خايف




لسه خايف علي مشاعرهم وبتخاف انك تجرحهم بعد اما ملوا قلبك جروح ؟؟


اه وازاي اجرحهم وهم لسه جزء من قلبي 😢





بنات سوريا وبنات مصر




#بستغرب اوي لما بشوف بنات من سوريا ملكات جمال وبيرضوا يهجروا مع اجوازهم وبيعيشوا في مخيمات اي مطره خفيفه تغرقهم وما فيش حامي ليهم من اي رياح .. بستغرب اوي من واحده تانيه عندها اطفال وهجرت من سوريا بسبب الخريف العربي وتيجي هنا مصر تتجوز اي حد حتي وان كانت ظروفه مش كويسه عشان تربي اولادها وبيتها .. وعلي فكره اوقات كتيره اوي بيبقوا احلي من الراجل المصري بمليون مره ... هو كلامي مش استغراب اوي هو مقارنه بين واحده مستعده تعمل اي حاجه عشان الي بتحبه ... مستعده تعمل اي حاجه عشان تحافظ علي اسرتها .. وبين بنات مصريات كتيره مش بيبصوا غير تحت رجليهم .. عاوزين العريس يجي جايب شقه جنب اهلهم ومعاه عربيه ويسهرها يوم في مرينا ويوم فالساحل الشمال




٢ - اتباع الظالم او مؤيدين الظلم



٢ - اتباع الظالم او مؤيدين الظلم


اكره الظالم مره واكره اتباعه مليون مره ... اتباع الظالم مش لازم يكونوا بيحبوه ممكن ينفقوه عادي عشان مصلحتهم او بسبب ضعفهم وجبنهم ..
كام مره اتخنقت مع سواق ميكروباص عشان بيغلي الاجره وباقي العربيه يقولك ماجتيش علي نص جنيه زيادة ولا سواق غير الطريق بتاعه وتيجي تتكلم الراكبين يقفوا مع السواق
كام مره اتظلمت من مدير ولا مشرف واما تيجي تتكلم وتشتكي من الظلم الموظفين يقفوا مع المدير ضدك ويساندوه خوف وجبن وضعف
كام مره بنت نزلت واتحرشوا بيها او اتعكست والناس اللي فالشارع جابوا العيب عليها ايه اللي لبسها كده ؟؟
كام مره زوجه اتظلمت واتقل كرمتها من جوزها واشتمت واضربت واهلها رجوعها لبيتها وقولوا لها ده هو الراجل واعتذريله والست ملهاش الا جوزها ؟؟!!
كام مره زوج خان مراته بمساعده صديقه وكام واحد صاحب بنات كتير ولعب بقلوب بنات كتير واصحابوا داروا عليه
كام مره ناس اتشافت بتقتل وبتسرق وناس كتيره دارت عليها بسبب خوفهم وجبنهم
اتباع مرسي ولا اتباع السيسي ولا اتباع مبارك كام مره سندوهم فالغلط قبل الصح ؟؟؟ كام مره دافع كل طرف فيهم عن اللي انتخبه عشان بس مايطلعش غلطان قصاد صحابه ؟؟
كام مره سندنا الظلم بضعفنا وخوفنا وجبننا ؟؟
تخيلوا كده ان كل مره كان اللي بيقف قصاد اي حد ظالم سارق قاتل مزور متحرش كان المجتمع كله وراه كان زمنا وصلنا للتخلف والانحدار الاخلاقي اللي احنا فيه دلوقتي ؟؟؟



الفرق بين الطيب والوحش اليومين دول ..



الفرق بين الطيب والوحش اليومين دول ..
ان الطيب محتاج يثبتلك مليون مره انه طيب واول اما يغلط غلطه واحده الناس تقول عليه اهو مطلعش طيب ولا حاجه واهو حقيقته بانت 
الوحش بيعمل مليون حاجه وحشه بس بنستحمله ونقول بكره ربنا يهديه ويعمل حاجه كويسه 
مجتمع الشيطان هو سيده .. في طريقه للهلاك لا محاله 



اذا كنتم جميعا اخيار فمن الشرير ؟؟



الكل يتحدث عن الحزن .. عن الألم .. عن الجراح.. عن وجع القلب .. عن الكذب .. عن  الخيانه ...
اذا كنتم جميعا اخيار فمن الشرير ؟؟
اذا كنتم كلكم اخيار فلماذا نعيش فالحضيض ؟؟
اذا كنتم جميعا ملائكه فدماء من هذه التي تلوث ايدكم ؟؟
لا تدعوا الكمال فطبيعه الانسان النقصان 
لا تدعو الكمال في مجتمع ملئ بالتخلف والجهل والتطرف 



٣ - النصب والاستغفال

                                       ٣ - النصب والاستغفال



ده كلنا بنشوفه فالنت او فالحقيقه
بتلاقي مثلا عالنت مواقع اخبار او صحف يكتبلك عنوان خبر بالكذب عشان يدخل عدد كبير من الناس علي المواقع بتاعهم وبكده يكسبوا فلوس من الاعلانات اللي ماليه الموقع ده

او تلاقي ناس منزلين عاليوتيوب فديو وكاتبين عليه انه فيلم لسه بيتعرض فالسينما وتكتشف فالاخر ان الفديو ده بوستر الفيلم بس وموجود لمشاهده نسخه الفيلم ادخل موقعنا او ينزلوا فيلم تاني بأسم الفيلم الجديد وكل ده ضحك عالدقون عشان ياخدوا من وراك فلوس من ورا الاعلانات اللي ماليه الفديو ده

او تلاقي ناس منزلين بوستات ويقولك شير عشان تاخد حسنات ولا تخرج قبل قول الحمد لله وكل ده بس عشان تشير بوستاتهم او يزودوا الكومنتات بيستخفوا بالدين عشان كومنتات وطبعا الغلابه بيكتبوا وشيروا من غير اما يعرفوا بيشيروا ايه ولا بيعلقوا علي ايه
او تلاقي مسابقات عالنت خش واشترك عشان تكسب عربيات او فلوس وفالاخر كله اونطه يا محمد يا علي او حتي مسابقات في كارفور وهايبر اشتري وادخل سحب عشان تكسب غساله او تلفزيون وفالاخر تكسب علبه عصير بجنيه 
😀
او تلاقي مكتوب سعر ٤٤.٩٥ علي منتج وانت طبعا تركز علي ال٤٤ وتنسي ال٩٥ او تدخل كنتاكي او ماكندولذ او اي كافيه وتلاقي موجود خصومات وساعه الحساب يجي يقولك في كام فالميه ضرايب وكام فالميه خدمه يعني فالاخر يضحك عليك وكله بالقانون
او تلاقي تذوقات علي منتج معين والشركه تبعت منتجات للتذوق بجوده افضل بكتير من اللي بتبيعها عشان تضحك عالعميل ويشتري من منتجتها
او اعلاناات اللي تقعد تقولك احجز عشان تاخد في كوبوند لسه ما اتبناش اصلا

كله نصب في نصب ونظام استغفال للشعب وكله بيسكت عالنصب اللي انتشر فالمجتمع وبقينا كلنا عايشين في مجتمع النصب والغش والخداع للاسف





١ - كرامه الرجل ( الشباب )




بما اننا في رمضان فقررت اتكلم كل يوم عن صفه شكل افتقدنها في مجتمعنا
١ - كرامه الرجل ( الشباب )


انت كراجل في رمضان او غير رمضان فين كرمتك اما تذل نفسك عشان تتعرف علي بنت ورساله ورا رساله وممكن نتعرف واضافات هنا وهنا عشان تخش تتعرف ووتتهزق وينزلك اسكرين شوت ؟؟!! ولا اما تبعت لبنت صور مش كويسه لمجرد انها بنت كده انت راجل وسبع الرجاله انت كده مش راجل وحته ...
فين كرمتك اما تتحرش ببنت وتتهزق في وسط الميكروباص والناس كلها بيلصولك بقرف فرحان بلمسه كده اثبت انك راجل ؟؟
فين كرمتك اما تشتم بامك وابوك وسط الشارع وفالمواصلات من زميلك وانت قاعد تضحك ومبتسم ؟؟ ديه اخره تربيتهم فيك ؟؟
فين كرمتك اما تبقي زي الشحط ومتجوز وقاعد فالبيت وبتاخد مرتب مراتك كل اخر شهر تصرفه فالقهاوي والكفيهات ؟؟ ديه رجوله انك تعتمد علي ست ؟؟
فين كرمتك ورجولتك اما تنزل امك ولا اختك ولا مراتك بليل عشان يشترولك اكل ولا سجاير ديه رجولة ؟؟ كده مسيطر ؟؟
فين كرمتك ورجولتك اما تكون في علاقه خطوبه او جواز او حب والبنت اللي معاك ارجل منك ؟؟ تاخد قرارات بدالك تهزقك وتقولك تروح تقابل مين وماتقبليش مين تمنعك عن زيارة اهلك عشان مش حباهم كده بقيت راجل يعني عشان اتجوزت ؟؟؟ ما الحمير كلها متجوزه فرقت ايه عن اي حمار بيتساق ؟؟
الرجوله عشان بس مش كل واحد يفسرها علي مزاجه انك تكون قائد العلاقه بتاخد قرارات بعد تفكير ماتلغيش رائي مراتك بس مايتلعبش بيك وماتبقاش دلدول لمراتك .. ماتجريش ورا شهوتك واي بنت حلوه تجري ورا لان هيتمسح بكرمتك البلاط ماتذلش نفسك الراجل الحقيقي عمر ماحد يذله ولا يكسر عينه خلي عندك كرامه سيب البنات في حلهم وخليك راجل 😃



٤ - الاشخاص اللي بكذا وش وبتوع مصلحتهم


٤ - الاشخاص اللي بكذا وش وبتوع مصلحتهم


دول الشخصيات اللي ممكن تضحك قصادك عادي وتروح تشتم فيك من ورا ظهرك ... تشكر فيك قصاد عينك واول اما تخلع تقول ده كذا وده كذا
قابلت شخصيات كتيره منهم بس اكتر شخص اذاني بجد كان مشرف عليه واما اترقي وبقي مدير وانا بقيت مشرف مكانه قعد يقول للناس ده بيعمل اوردرات كتيره للبنات عشان يجيب سكه معاهم وبيطلع مصالح كتيره من اوردرات هدايا وفلوس واول اما كان يشوفني يخدني بالاحضان والبوس بجد ديه كانت احقر شخصيه قابلتها في حياتي ..

طبعا الشخصيات اللي بوشين ديه مليه المجتمع وبجد الواحد بيقرف اوي منهم ومن اللي بيعملوه ..

بس للاسف ان الاوشاش ديه بقيت في تصرفاتنا احنا كمان بقينا مره نقول احنا هنشرب حشيش ومخدرات واول اما يجي رمضان لا ماينفعش احنا نشرب بعد الفطار عشان مانضيعش صيامنا ؟؟
البنت اللي هناك هموت واكلمها انا هاخد رقمها دلوقتي وبعد الفطار ابقي اكلمها برحتي ...
حتي الاشر اللي هم وظيفتهم انهم يبيعوا المنتجات للعملاء قبل رمضان بيبقوا واقفين بشعرهم وبناطيل ضيقه عادي لكن في رمضان يلبسوا حجاب ولبس واسع وبعد رمضان هيقلعوه عادي ويرجعوا لحياتهم .. اصل في رمضان ضيق حرام وشعر مكشوف حرام لكن بعد وقبل رمضان لا مش حرام .. علي فكره البنات اللي بتكلم عليهم محترمين جدا واكيد اللبس مش بيحكم عالشخص كويس ولا لاء بس انا بتكلم علي انفصام الشخصيه ...
ان شربنا سجاير في نهار رمضان هنفطر لكن اول اما ياذن المغرب نشرب وندخن برحتنا نشتم ونبص ونعمل كل حاجه حرام ما احنا فطرنا خلاص
حتي الانفصام في حكمنا علي الناس انا اكدب او اشتم او اخون عادي لكن ازاي يتكدب عليه ولا اتخان ولا اتشتم
عمرك ماهتكون شخص محترم وانت عندك انفصام في شخصيتك انفصام جواك انفصام في حكمك علي الناس
اقف مع نفسك الاول ما تديش لنفسك حق وتمنعه عن غيرك



الكذب




٥ - الكذب



اسهل حاجه تعملها فالحياة ديه تعملها انك تكدب

صحبك يكلمك عشان اتاخرت عليه تقوله انا خلاص خمس دقايق واكون قصادك وانت تكون اصلا مانزلتيش من البيت لسه وتكدب عشان تترقي او حتي علي الاقل تاخد اجازه

عشان مضايقه وكرهها حماتك تقولي لجوزك انا رجعت النهارده وحاسه بدوخه واخدت دوا كتير وكل الكدب ده عشان قالك انه هيجي ياخدك وتروحي عند امه

تكدب وتقول انك بتحب شخص ومبسوط جدا معاه وهو اصلا مش فارق معاك بتكدب بمشاعرك قبل لسانك
تكدب عشان تتهرب من ناس من كلامك مع حد من انك تقابل حد او تكدب عشان تاخد اجازه

ضغوطات وكدب حتي الحكومه بتكدب كله بيكدب علي كله .. اعلانات كدب اعلام كدب في كدب ..
حتي الرياضه كلها مليانه كدب ولا نسيتو اكبر كدبه وهي كاس العالم في مصر ٢٠١٠

فالدنيا ديه بقا الكدب بينجي والصدق بيحرجك ويخلي الناس يهجموك الصدق بيجرح مشاعر والخداع والكدب هو اللي بيبسط الناس
كدبه بتجيب كدبه .. كدبه بيضه لازم كدبه تانيه تحكمها وتاكد الكدبه الاولي وكدبه تالته عشان الشخص اللي قصادك يصدق تمثليات وافلام بتعملها عشان تقدر تعيش فالمجتمع القذر ده

مجتمع اصبح الباطل فيه حق والحق فيه باطل انتظر نهايته الحتميه





السبت، 4 مايو 2013

All levels of Berlitz English from level 1 to 10 PDF & AUDIO





All levels of Berlitz English from level 1 to 10 PDF & AUDIO



Author : Denise Kruelle
Published by : Berlitz Languages, Inc.
File type : PDF & Audio CD


STUDENT BOOK

-learn usable skills in practical,theme-based chapters
-understand nuances of the English language through helpful tips
-add materials as toy progress, with an easy-to-customize binder format
-learn about cultural differences in the Culture Corner


AUDIO CD

-listen to the audio CD at home or on the go
-improve your pronunciation skills
-test your listening comprehension
-learn telephone skills


---------------------------------------



Berlitz English level 1


123 pages | PDF & Audio CD | 10 Mb + 15 Mb | Author : Denise Kruelle

book + cd

http://www.mediafire.com/?mn2gezyomzz

---------------------------------------



Berlitz English level 2


114 pages | PDF & Audio CD | 21 Mb + 23 Mb | Author : Denise Kruelle

book + cd

http://www.mediafire.com/?2nnnn2cjqez

---------------------------------------



Berlitz English level 3


124 pages | PDF & Audio CD | 24 Mb + 21 Mb | Author : Denise Kruelle

book + cd


http://www.mediafire.com/?mmjz4qnywj4

---------------------------------------



Berlitz English level 4


118 pages | PDF & Audio CD | 24 Mb + 11 Mb | Author : Denise Kruelle

book + cd

http://www.mediafire.com/?c3wzk4vgytg

---------------------------------------



Berlitz English level 5


70 pages | PDF & Audio CD | 5 Mb + 14 Mb | Author : Denise Kruelle


book + cd

http://www.mediafire.com/?ahyynmyuci2

---------------------------------------



Berlitz English level 6


68 pages | PDF & Audio CD | 11 Mb + 14 Mb | Author : Denise Kruelle

book + cd

http://www.mediafire.com/?yyrnzc0wbwc

---------------------------------------



Berlitz English level 7


70 pages | PDF & Audio CD | 7 Mb + 18 Mb | Author : Denise Kruelle


book + cd

http://www.mediafire.com/?q1jjmjh5mz5


---------------------------------------



Berlitz English level 8


69 pages | PDF & Audio CD | 6 Mb + 15 Mb | Author : Denise Kruelle


book + cd

http://www.mediafire.com/?ynuc1jtmjjy

---------------------------------------



Berlitz English Business 1


86 pages | PDF & Audio CD | 8 Mb + 20 Mb | Author : Denise Kruelle


book + cd

http://www.mediafire.com/?d2dmzmggyjo

---------------------------------------



Berlitz English Business 2


77 pages | PDF & Audio CD | 8 Mb + 15 Mb | Author : Denise Kruelle


book + cd

http://www.mediafire.com/?mnjyd2mllym


No Pass Needed 4 All Link's

If U Download Plz Leave Thanks Here


source : http://www.facebook.com/group.php?gi...id=33211800892 & http://www.friendskorner.com/forum/f...-audio-121979/