شوف الفرق فين
أبطال القصة : هيثم ، ريم ، وسيم ، عادل .
المكان : الجامعة .
الوقت : الساعة ال 10 صباحا ً .
هيثم وريم كان مقضين وقتهم طول اليوم مع بعض زي ، وماكنش فيه حاجة اسمها دراسه ولا ايه حاجة اهم حاجة انهم مع بعض ، تعالوا نشوف كده ايه اللي بيحصل بينهم
بدايه القصة الساعة ال 10 صباحا ً
هيثم : يااااااااااااااة أخيرا ً لقينا مدرج نقعد فيه .
ريم : بس فيه محاضرة شغاله هنا .
هيثم : مش مهم أحنا هنقعد ورا وماحدش هيكلمنا ، بدل اما بنقعد في الجنينة تحت واللي رايح واللي جي يبص علينا .
ويجلسوا في أخر المدرج
ريم : أة عندك حق ، ده انا كل يوم أروح لماما وهدومي متبهدله من التراب بتاع الجنينة .
هيثم : انتي عمله زي ، ده ماما بتقعد تقولي انا كل يوم أغسلك طقم .
ريم : انت هتشتغلني ده الطقم ده عليك بقاله شهر .
هيثم : يا سلام .
فجأة الدكتور يقول الولد والبنت اللي في أخر المدرج يقوموا كده ، فيقوم هيثم وريم وبعدين الدكتور يقولهم أطلعوا برا ، ويخرجوا في هدوء تام .
هيثم : ده دكتور خنيق جدا ً .
ريم : أة ، طيب دلوقتي هنروح فين .
هيثم : المدرجات كتيره ... أيه ده شوفي ده اعلان عن ندوة في قاعة المؤتمرات دلوقتي .
ريم : ندوة ايه هو أحنا بتوع الحاجات ديه !
هيثم : يا بنتي انتي مش عرفه حاجة ده التكيف هناك خطير وهناك هدوء كبير ، والواحد يقدر يقعد براحته .
ريم : طيب خليني ماشيه وراك لغايه اما هتوديني في دهية .
هيثم : ما تخافيش .
وفي الساعة العاشرة صباحا ً كان عادل ووسيم ماشين في الجامعة تعالوا نشوف بيعملوا ايه
وسيم : أنت هتعمل دلوقتي ايه يا عادل ؟
عادل : أنا هنقل أول المحاضرة عشان انا جيت متأخر عشان المواصلات ، أنت عارف .
وسيم : طيب ماشي انا هستناك وبعدين نطلع القسم .
وبعده أما انتهي عادل من كتابه المحاضرة ، طلعوا القسم
وسيم : بص يا عادل ده فيه محاضرة شغاله دلوقتي لسنه رابعه تعاله نحضر ، أكيد هنستفيد .
عادل : بس أحنا لسه في سنه تانية .
وسيم : ياعم مش مهم أحنا نقعد ونشوف .
عادل : طيب ماشي بس نستأذن من الدكتور الأول .
وبعد أما دخلوا ...
عادل : شوف الدكتور مبسوط بينا أزاي ، كده هو عرفنا طيب كويس .
وسيم : أة .
وفي وسط المحاضرة سأل الدكتور سؤال ، والسؤال ده كان لسه عادل ووسيم وخدينه في سنه تانية ، وماحدش من سنه رابعة رفع أيده ، والدكتور شعر بخيبة آمل ، ولكنه أتفاجأ بأيد مرفوعة علي استحياء انها يد وسيم ، الدكتور فرح جدا ً وقاله قول فقال والاجابة كانت صحيحه جدا ً ، فقاله شاطر يا سنه تانية ، وقالهم شوفوا يعني اللي أصغر منكم عارف الأجابة وانتم لاء ، وبعد المحاضرة خرج وسيم وعادل وهم مرفوعين الرأس .
عادل : انت واقف قصاد الحيطة بتعمل ايه يا وسيم ؟
وسيم : تعاله بص كده ، شوف الندوة ديه تبع القسم بتاعنا .
عادل : أة ده فعلا ً ، يااااااااااة الواحد كان مستنيها من زمان ، ده الواحد بيستني الندوات ديه من السنه للسنه ، يلا نروح بسرعة عشان فاضل عشر دقائق وتبدأ
الوقت : الساعة الثانية عشر الا عشر دقائق .
المكان : قاعة المؤتمرات بالكلية .
عادل : شوف مين اللي قاعد في الآخر ده ،ده زميلك هيثم .
وسيم : أة طيب يلا نروح نسلم عليه .
وسيم : أزيك يا هيثم عامل ايه ؟
هيثم : الحمد لله ، وانت ؟
وسيم : أنا الحمد لله كويس
عادل : السلام عليكم .
هيثم : وعليكم السلام .
وسيم : نسيبك أحنا عشان نطلع نقعد بالأمام .
هيثم : طيب اتفضل .
وبعد أما قعد وسيم وعادل .
عادل : هو ده اللي جابه هنا ، ده ما بيحضرش محاضرات هيحضر الندوة ، ده هتلاقيه جي عشان يرغي مع البنت اللي جنبه .
وسيم : أحنا مالنا ، ربنا يهديه أن شاء الله .
عادل : هو لسه في سنه أوله هو والبنت اللي معه صح .
وسيم : أة .
عادل : أنا ما اعرفش بستفيد ايه من الحاجات ديه .
وسيم : بس عشان الندوة هتبدأ .
وفي تلك الاثناء ...
ريم : مش ده وسيم اللي كان معانا في سنه أوله وكان علي طول يجاوب مع الدكاتره ؟
هيثم : أة هو .
ريم : طيب ، أة صحيح انا اتصلت بك أمبارح ماحدش رد ليه ؟
هيثم : أصل كنت نايم ، انا بروح البيت بنام علي السرير زي المقتول ، ما باصحاش غير الصبح اجي الجامعة .
ريم : أزاي ما انا لسه مكلمك اول أمبارح وكنت صاحي !
هيثم : يا بنتي ده كان يوم الجمعة فعشان كده كنت صاحي .
ريم : اة صحيح ان امبارح حولت اذاكر ما عرفتش خالص .
هيثم : بلا مذاكرة بلا وجع دماغ ، أنا هجيب المذكرات بتاعت المراجعة النهائية واذاكرها
ريم : انا خيفه أسقط تاني .
هيثم : لاء ما تخفيش .
وبعد ذلك أنتهت الندوة واستفاد منها عادل ووسيم واكتسبوا معلومات كثيرة ومتنوعه ، واستفاد ايضا ً هيثم وريم من التكيف والرغي .
وبعد ست سنوات :
هيثم --> تخرج من الجامعة بعد عناء ، ولكنه لم يجد عمل لأنه مايعرفش هو كان بيدرس ايه كل اللي درسه نسيه ، ومايعرفش لغات وكل اللي يعرفه عن الكمبيوتر هو الالعاب والشات مع اللي رايح واللي جي ويحمل اغاني .
ريم -- > تركت هيثم بعد أن اكتشفت خانته لها ، وهي الأن متزوجه وقاعده في البيت .
وسيم --> هو الأن معيد وكله آمل أنه يصبح دكتور .
عادل --> الأن هو مرشد سياحي .
هذه هي الحياة فيجب عليك ان تختار الطريق اللي هتمشي فيه وتبقي عارف ايه نهايته .
ليست هناك تعليقات:
إرسال تعليق