ال ai

 

انا من ٢٠٠٦ وانا علي النت .. ايام الياهوو و الهوت كانوا هما التوب والفيس كان لسه حاجه جديدة .. يعني ١٨ سنه عليه ويمكن اكتر من كده كمان ..

تطور النت السنوات ديه حاجة مرعبة وخصوصا تكنولوجيا ال Ai

اللي هي بالعربي الذكاء الاصطناعي .. من خلال قربي الشديد ببرامج شغال علي ده احب اعرفكم علي شوية حاجات كده علي الماشي عنه
..

صورتك ليها تمن وسعر وبيتباع علي النت عادي وانت ممكن ماتكونش تعرف وفي شوية اسباب بيقولوا انه لتطوير الذكاء الاصطناعي عشان يتعرف علي الوجه لكن ما خفي كان أعظم

مش كلنا طبعا معانا تليفون ابل عشان برامج سيري وياسمينة وانك تطلب منها تصورك أو تضبط منبه أو تعمل مكالمة .. بس اكيد عندك جوجل فدلوقتي ممكن تدخل علي جوجل وتكتب اي معادلة حسابية هيظهرلك حلها تسألها علي اي حاجه هتجاوبك هتقولي ده العادي صح ...
طيب جرب تكتب يا جوجل غني لي أو ارقصي لي أو بحبك يا جوجل شوف هيحصل ايه ؟؟

وطبعا انت مش محتاج تعرف ان كل كلمة انت بكتبها بتسجل علي جوجل وبتتبعت علي برامج كبيرة بتتحل وتعرف الجهات الشخص ده ايه وميولة عشان ابسط حاجه الإعلانات اللي بتظهرلك بس الحقيقة أكبر من كده بكتير .. انت ممكن تعرف عنك حاجات ابوك وامك مايعرفوش ولا مراتك ولا حد فالدنيا .. لأنك وانت قصاد البحث والانترنت بتعري نفسك مش اقصد جسديا ده انت بتعري نفسك في تفكيرك في مستقبلك وفي عملك وكل حاجة ..

يعني مثلا انت أن معاك شوية فلوس هتدور علي لبس واماكن خروجات واماكن سفر .. اسعار تذاكر حفلات ...

ان بتدور علي مستلزمات البيت هتلاقيه بتعمل بحث عن أسعار الفراخ الرز از الزيت أو حتي حاجات التجميل..

ان مصدوم عاطفيا هتلاقي بتكب اغاني حزينة .. إن فرحان هتكتب اغاني فرح ..

كل ده واكتر تعريه قصاد النت ماحدش غيرك انت عارف انت كنت بتدور علي ايه أو بتشوف ايه انت و ال Ai

وال Ai مش بكفيه الصورة والكلام لازم برضة يسجل صوتك .. وده احنا بنعمله متطوعين في اي سيرش بنتكلم ونطلب الطلب عشان جوجل أو يوتيوب أو سيري أو أي Ai ينفذه

يعني صوت وصورة وكلام وافكار ورغباتك كله علي ال Ai وكمان في تطوير حصل وظهر chatgpt انك تعمل شات مع Ai تاخد استشارته في حياتك وتاخد قراراتك ازاي ..

تخيل معايا مصر كام مليار بني آدم ال Ai قدر يجمع بياناته من صوت وصورة وكلام وتفكير ورغبات ...

انت أن عرفت في بلدك ان تليفونك متراقب لاغراض سياسية هتخاف وتترعب فما بالك بحاجه بتتخلق منك عرفه كل جزء من حواسك بيشتغل ازاي وعرفه أفكارك وميولك ..

هو دلوقتي مستحيل انك تبعد عن ال Ai لانة في كل مكان وانا شخصيا مش عارف ازاي حد ممكن يبتعد عنه .. لكن وانت في حضن العفريت لازم تبقي عارفة كويس وماتحوليش تعري نفسك فكريا اوي للدرجة اللي احنا وصلنا لها

#في_بلاد_إسلاميكا

#AI
#chatgpt